لابورتا للاعيبة بعد الخروج من الأبطال: “رافعين راسنا بيكم”
بعد ما خرج برشلونة من دوري أبطال أوروبا قدام إنتر ميلان، لابورتا، رئيس النادي، قرر يدخل غرفة الملابس ويوصل رسالة شخصية للاعيبة، وكان واضح عليه إنه فخور بيهم رغم الخروج اللي زعل جمهور كتير.
لابورتا قال للاعيبة بكل صدق: “في العام المقبل سنكون أفضل”، يعني الراجل لسه شايف إن الفريق عنده مستقبل وإن اللي جاي أحسن.
كمان أضاف وقال: “ستغادرون مرفوعي الرأس، نحن والجماهير فخورون بكم بكل تأكيد”، ودي كانت رسالة دعم كبيرة من رئيس النادي، بتوضح إن الإدارة مش هتحمّل اللاعيبة المسؤولية لوحدهم، بالعكس واقفين معاهم وبيشجعوهم على اللي جاي.
برشلونة قدم موسم أوروبي فيه ups and downs، بس واضح إن الإدارة شايفة تطور وإن المشروع لسه ما اكتملش والجماهير، رغم الزعل، لكن شافت لمحات أداء كويس، والكل مستني الموسم الجاي علشان يشوفوا فريق أقوى.
الرسالة دي من لابورتا كانت مهمة علشان ترفع من الروح المعنوية، خاصة إن الفريق عنده مباريات تانية مهمة في الدوري وكأس الملك.
