رئيس نادي الخلود يكشف موقف ديانج ومفاجأة لو الأهلي عايزه فـ كأس العالم
كشف محمد آل خليفه، رئيس نادي الخلود، عن موقف ناديه من استمرار النجم المالي أليو ديانج، لاعب الأهلي المصري المُعار خصوصًا وإنه الموسم قرب يخلص وعقد الإعاره بيخلص يوم 30 يونيو الجاي.
آل خليفه قال في مداخله على القناة الاولى المصريه، إن ديانج بيلعب كويس ومستواه ممتاز، والنادي حابب يحتفظ بيه موسم كمان، بس القرار لسه ماخدناهوش وهيتحدد بعد مانشوف كل حاجه بعد نهايه الموسم.
كمان قال ان الاهلي لحد دلوقتي مكلمنيش ولا قال حاجه عن رجوع اللاعب، بس لو حبوا يرجعوه علشان كاس العالم للأنديه فـ أنا هبعتله طياره خاصه عشان يروح القاهره فوراً ومن غير تفكير على حد كلامه.
وكشف كمان إن ناديه دفع كل حاجه على اللاعب حتى غرامه التاخير اللي كانت 10% ومفيش دلوقتي أي مفاوضات مع الأهلي لضم لعيبه تانين.
والجدير بالذكر إن الأهلي مشارك في كاس العالم للأنديه 2025 فـ أمريكا لأول مره بنظام 32 فريق وده هيكون من 14 يونيو لـ 13 يوليو.
