برونو فرنانديز مطلوب ف السعوديه وأرتيتا بيبرر فشل أرسنال بالدوري
صباح أوربي مولع نار وعناوين كتير سخنه فجرا بتخص نجوم كبار وأنديه عملاقه، والبدايه من برونو فرنانديز، لاعب مانشستر يونايتد، اللي جاله عرض ضخم من نادي الهلال السعودي بـ65 مليون باوند فـ الموسم ولمده 3 سنين لحد دلوقتي الراجل ما ردش، والنادي الإنجليزي مش ناوي يفرط فيه، بس الهلال هيحاول تاني ف الصيف.
من ناحيه تانيه، نيوكاسل بيدخل سباق مع مان يونايتد عشان يضم المدافع جوناثان تاه من ليفركوزن واللي عقده خلص وهيكون متاح ببلاش، وكمان توتنهام بيراقب الموقف.
ميكيل أرتيتا مدرب أرسنال قال إن النقط اللي جمعها الفريق فـ آخر موسمين كانت تكفي للفوز بالدوري ف أي موسم تاني، بس الحظ مش معاهم.
وفي اسبانيا، ريال مدريد قرر يعلن رحيل أنشيلوتي بعد الكلاسيكو، مهما حصل، وفلوريان فيرتز نجم ليفركوزن قرر يروح بايرن مش ريال.
أما في فرنسا، باريس سان جيرمان بيتجهز لمواجهة أرسنال، وديمبلي رجع بعد التعافي وهيشارك فـ الإياب حسب كلام لويس إنريكي.
الختام من المكسيك، ليون خسر الطعن اللي قدمه ضد قرار استبعاده من كأس العالم للأندية، بسبب تعارض الملكيه مع نادي باتشوكا.
