تشكيلة باريس ضد آرسنال حاضره وإنريكي جاهز لموقعة الإياب الصعبه
استقر لويس إنريكي، مدرب باريس سان جيرمان، على التشكيله اللي هيلعب بيها قدام آرسنال في ماتش العوده لنصف نهائي دوري الأبطال، موسم 2024-2025، واللي هيتلعب على ملعب حديقة الأمراء في فرنسا.
باريس كان كسب في الذهاب 1-0 على ملعب الإمارات، يعني يكفيه يتعادل أو حتى يفوز بأي نتيجه عشان يضمن مكانه في النهائي، اللي إنتر ميلان وصله خلاص بعد ما طلع برشلونه في ماتش مجنون خلص 4-3
آرسنال داخل الماتش تحت ضغط كبير، ولازم يكسب بفارق هدفين علشان يتأهل، وده مش سهل قدام فريق قوي زي باريس ومعاه نجوم تقيله.
التشكيله المتوقعه لباريس هتكون كالتالي
في حراسة المرمي دوناروما.
الدفاع نونو مينديز، ويليام باشو، ماركينيوس، وأشرف حكيمي.
خط الوسط فيه فابيان رويز، فيتينيا، وجواو نيفيز.
وفي الهجوم كفاراتسخيليا، عثمان ديمبيلي، وديزيري دوي.
الجمهور الباريسي مستني فرحه كبيره والتأهل للنهائي، بس آرسنال مش هيكون خصم سهل، وخصوصًا مع رغبتهم في التعويض بعد الخساره في الذهاب.
