الزمالك بيشكو زيزو والأهلي وبيطلب إيقاف قيد وتجميد اللاعب
كشف مصدر داخل نادي الزمالك إنهم قدمو شكوى رسميه للجنة الانضباط فـ اتحاد الكوره المصري ضد لاعبهم أحمد سيد زيزو، واللي بيتردد اسمه بقوه إنه رايح الأهلي بعد نهاية الموسم.
الشكوى اتقدمت يوم الأحد اللي فات، وبتنفذ قرار مجلس الإداره اللي اتخذوه يوم الأربع
المصدر الزمالك اتهم الأهلي بتحريض لاعبيه عليهم، وضربو مثال بمحمود كهربا ومعتز إينو اللي مشو بنفس الطريقه قبل كدا.
كمان الزمالك اشتكى إن الأهلي بيتفاوض مع زيزو فـ وقت غير قانوني، واللاعب لسه عقده شغال مع الزمالك لحد نهاية الموسم، واستشهدو بتصريحات وكيل اللاعبين تامر النحاس اللي لمح للموضوع.
الزمالك طلب وقف قيد النادي الأهلي لفترتين، وإيقاف زيزو نفسه من 4 لـ6 شهور.
زيزو كان غاب عن التدريبات فتره وقال إنه مش حاسس بالأمان بعد فيديو انتشر لـ شيل صورته من سور النادي، لكنه رجع للتدريبات يوم الأحد اللي فات.
اسم زيزو لسه مرتبط بالانتقال للأهلي، بس الأمور شكلا هتروح للجان والقانون، وسخنت أكتر من المتوقع.
