لاوتارو يكشف سر دموعه قبل وبعد ماتش برشلونه في الأبطال
لاوتارو مارتينيز، مهاجم إنتر ميلان، فاجئ الكل بتصريحات صادمه بعد ماتش فريقه قدام برشلونه فـ دوري الأبطال، واللي إنتهى بتأهل الإنتر للنهائي بعد مجموع ٧-٦.
قال لاوتارو فـ كلامه بعد اللقاء كنت تعبان رجلي كانت بتوجعني أوي قضيت يومين فـ البيت بعيط ومكنتش عارف هلعب ولا لأ بس مقدرتش أغيب عن الماتش ده
وأضاف لفيت رجلي كويس ونزلت ألعب، دي طبيعتي، دي طريقتي فـ حب الكوره
برشلونه خرج من البطوله بعد ماتشين نار، لكن لاوتارو كان بيلعب وهو مصاب وده خلى اللحظه أصعب عليه وكمان اعترف إنه بكى تاني بعد الماتش بسبب التوتر والمشاعر اللي مر بيها.
المهاجم الأرجنتيني أثبت إنه من نوعية اللعيبة اللي بتحارب لحد آخر نفس ووجوده كان حاسم فـ صعود الإنتر للنهائي.
الجماهير احتفلت بيه بعد الماتش، ووصفت أداءه بالبطولي، خصوصًا بعد ما عرفوا إنه كان بيلعب وهو مش جاهز بدنيًا.
الإنتر دلوقتي بيحلم باللقب، ولاوتارو بيقود الحلم رغم الوجع.
