صراع الهبوط في الدوري المصري يشتعل قبل مباريات اليوم في الجولة الخامسة
الدوري المصري الممتاز لموسم 2024-2025 دخل في مرحلة حاسمة، خصوصًا في منطقة الهبوط، اللي فيها صراع قوي بين عدد من الفرق، وكل نقطة مهمة في الجولات اللي جاية.
اليوم، هتقام مباراتين مهمتين في الجولة الخامسة من مجموعة الهبوط، وهما بين الجونة ومودرن سبورتس والإسماعيلي مع إنبي الصراع مش سهل، وكل فريق بيحاول يهرب من المراكز الأخيرة.
في صدارة مجموعة الهبوط، فريق زد أف سي اللي عنده 29 نقطة من 5 مباريات بعد تعادله الأخير مع الاتحاد السكندري الجونة جاي في المركز التاني بـ 27 نقطة من 4 مباريات، وبينافس بقوة على الصدارة أما الاتحاد السكندري وطلائع الجيش وسموحة، فكلهم عندهم 23 نقطة، وفيه اختلاف في عدد المباريات بينهم، يعني التنافس لسه مفتوح.
غزل المحلة جاي في المركز السادس بـ 20 نقطة، متفوق على الإسماعيلي اللي عنده 19 نقطة في المركز السابع وفي آخر ترتيب المجموعة، إنبي ومودرن سبورتس برصيد 18 و15 نقطة على التوالي لكنهم لسه عندهم مباراة مؤجلة ممكن تغير حساباتهم في صراع البقاء.
