كندة علوش بتكشف كواليس اخواتي وبتتكلم عن صراحتها الزايده
حلّت النجمه كنده علوش ضيفه عند الإعلاميه لميس الحديدي، في برنامج كلمه أخيره على قناة ON، واتكلمت خلال الحلقه عن كواليس مسلسلها الأخير اخواتي وكمان عن شوية تفاصيل من حياتها الشخصيه.
قالت كنده إن طبقة صوتها العاليه في المسلسل كانت حاجه جديده عليها ومجربتهاش قبل كده وقالت وهي بتهزر أنا مش بزعق كده في البيت حرام على البيت وأكدت إن المخرج كان مديهم حريه كبيره في التجريب وإن في مشاهد كانت مرتجله زي كسر السرير، اللي حصل فعلاً وقت التصوير وده خلاها تعتذر لحاتم صلاح بسبب حدة الأداء.
وأضافت إنها شخص صريح وانفعالي، وساعات بتتكلم قبل ما تفكر وبتندم، خصوصًا لو كانت صراحتها جارحه وقالت إنها بتحب المواجهه ومبتحبش تكتم مشاعرها وفي العلاقات بتنسحب لما مش بتقدر تعبر عن انزعاجها.
عن جوزها عمرو يوسف، قالت إنه مش بيحب النصايح، وهي اتعلمت إن الكلام في وقت الغضب ملهوش لازمه فبتأجل لحد ما تهدى وأكدت إنها مش صبوره بس التجارب علمتها كتير.
الجدير بالذكر إن كنده شاركت في مسلسل اخواتي مع مجموعه كبيره من النجوم، وحقق نجاح وشعبيه كبيره في رمضان اللي فات.
