روجينا تهني رنا رئيس بزفافها وتقول أحلى عروسه واحلى ام
حرصت النجمه روجينا على تهنيئه الفنانه الشابه رنا رئيس بمناسبه حفل زفافها اللى اتعمل امبارح وسط حضور كبير من نجوم الفن والإعلام وأصحابها والمقربين منها، وده خلا اسمها يتصدر تريندات جوجل.
روجينا نشرت صور من الفرح على حسابها الرسمي على انستجرام وكتبت الف مليون مبرووووك ياحبيبتى ربنا يسعد قلبك انتى ويسري، ودايمآ في حب وسعاده، احلى عروسه، واحلى ام عروسه فى الدنيا
رنا احتفلت بفرحها امبارح في فندق كبير في القاهره، بعد مرور شهر ونص تقريبآ على كتب كتابها اللى كان يوم 17 مارس، ودعت فيه عدد من اصحابها من الوسط الفني وخارجه.
قبل الفرح بأيام، كانت رنا نزلت صور ليها بفستان ابيض بأكمام طويله، في جلسه تصوير، ووقتها الناس افتكروا ده فستان الفرح، لكن طلع ده غير الفستان اللى لبسته في الزفاف الحقيقي.
وكانت رنا رئيس اتكلمت قبل كده عن الحسد، وقالت إنها مش موسوسه بس مؤمنه إنه حقيقي ومذكور في القرآن، وعشان كده بتبقى حذره في نشر تفاصيل حياتها ع السوشيال ميديا.
