رنا سماحه تتصدر التريند بعد تصريحات عن طليقها والشعراء
تصدر أسم الفنانه رنا سماحه تريند السوشيال ميديا الساعات الاخيره، بعد تصريحاتها اللى قالت فيها إنها بتتعرض لرفض من بعض الشعراء والملحنين علشان صداقتهم مع طليقها، وده أثار جدل كبير وتعاطف الجمهور معاها ودعموها جامد.
وعلى الرغم من الصعوبات دي، رنا خلصت تصوير كليبها الجديد بعنوان الهونولولو واللى يعتبر نقله جديده في مشوارها الفني الاغنيه من كلمات اسلام الجريني وألحان محمد مصطفى وتوزيع مصطفى غانم، وتم تصوير الكليب في لبنان مع المخرج فادي حداد، واللى قدم فكره مختلفه ومبتكره عن اللى قدمته رنا قبل كده.
ومن المقرر إن الكليب ينزل خلال الأيام الجايه على كل منصات السوشيال ميديا.
رنا برضو نزلت قبل كده كليب البركه على اليوتيوب، وكانت الأغنيه من كلمات محمد نبيل، وألحان كريم نيازي وتوزيع حماده عصمت.
وكمان طرحت أغنيه بعنوان عامله عبيطه على قناتها الرسميه، كلمات أحمد حسن رأول ألحان سامر أبوطالب توزيع خليل وشندي، إخراج حسام مجدي.
رنا ناويه تشتغل على أكتر من أغنيه جديده الفتره الجايه.
