فيلم الصفا ثانويه بنات يحقق ٢٠ مليون فـ ٥ اسابيع بس
حقق فيلم الصفا ثانويه بنات بطوله على ربيع ايرادات جديده الاسبوع اللي فات وصلت لـ778 ألف و328 جنيه وبكده يكون اجمالي الايرادات بعد 5 اسابيع من عرضه فى السينمات وصل لـ 20 مليون و494 ألف و467 جنيه وده رقم حلو بالنسبه لفيلم كوميدي.
بيشارك فى بطولة الفيلم مجموعه من النجوم زي أوس أوس، بيومي فؤاد، محمد ثروت، هاله فاخر، وساره الشامي وغيرهم، ومن تأليف أمين جمال ووليد أبو المجد، وإخراج عمرو صلاح.
الفيلم بيدور فى إطار كوميدي، وعلى ربيع بيجسد شخصية شاب صعيدي بينزل القاهرة وبيتعرض لمواقف كتير مضحكه.
آخر أفلام علي ربيع قبل كده كان عالماشي اللي نزل في عيد الفطر اللي فات، وشاركه فيه كريم عفيفي وآيه سماحه وصلاح عبد الله، وكان من تأليف أحمد عبدالوهاب وكريم سامي وهدير الشريف، والإخراج لـ محمد الخبيري.
فيلم عالماشي كان قصته عن شاب اسمه هادي حياته بتتقلب لما يكتشف إنه عنده حاله غريبه لازم يتحرك طول الوقت، وبيبدأ رحله مليانه مواقف وضحك وحب.
