تكريم كندة علوش فـ أسوان بيزيد فرحتها بإسم أم كلثوم
عبرت النجمه كنده علوش عن فرحتها الكبيرة بتكريمها فـ مهرجان أسوان لأفلام الستات، وقالت إن اللي زوّد فرحتها أكتر إن الدورة التاسعة للمهرجان جت بإسم كوكب الشرق أم كلثوم، واللي هي بتحبها من وهى عندها 10 سنين وكانت بتحفظ مش بس الأغاني كمان كانت تعرف مين كتبها ولحنها.
كنده وضحت إن أغاني أم كلثوم ليها تأثير كبير عليها، وقالت إنها شبه الهوا والمية بالنسبالها، وده مش عند العرب بس، كمان الأجانب بيحبوا يسمعوا صوتها ويقدّروا فنها العظيم.
الفترة الأخيرة شهدت تألق كبير لـ كنده في أفلام عالمية، زي نزوح اللي خدت فيه جايزة الجمهور فـ مهرجان فينيسيا، والسباحتان اللي اتعرض في افتتاح مهرجان تورنتو، والأتوبيس الأصفر اللي اتعرض في نفس المهرجان وشاركت فيه مع ممثلين من الهند.
كنده بدأت مشوارها السينمائي مع الراحل حاتم علي، وشاركت بعد كده في أفلام سورية ومصرية كتير، زي ولاد العم واحد صحيح الأصليين وهيبتا وعلى مستوى الدراما، قدمت أعمال مهمة زي أهل كايرو نيران صديقه و إخواتي اللي اتعرض فـ رمضان اللي فات.
