ماجده الرومي بتحيي حفل جديد فـ بيروت الشهر الجاي 8 يوليو
النجمه الكبيره ماجده الرومي هتغني في حفل ضخم ضمن حفلات أعياد بيروت، واللي هيقام يوم 8 يوليو الجاي وهيكون تحت قيادة المايسترو لبنان بعلبكي، ومن المتوقع انها تقدم فيه مجموعه من أجمل أغانيها اللي جمهورها بيعشقها.
ماجده اللي عندها مشوار طويل في عالم الغنا قدمت لحد دلوقتي 13 ألبوم واشتغلت مع شعراء وملحنين كبار زي نزار قباني كاظم الساهر مروان خوري وغيرهم ومن أغانيها المشهوره كلمات وأحبك جدًا ويا ساكن أفكاري وخدني حبيبي وغيرها كتير من الأغاني اللي محفوره في قلوب جمهورها من سنين.
وعلى الرغم من شهرتها الكبيره كمطربه، ماجده جربت التمثيل مره واحده بس وكانت فـ فيلم عودة الابن الضال مع المخرج الكبير يوسف شاهين سنة 1976، وقتها كانت لسه صغيره، وقدمت دور تفيده حسونه اللي بتحب شاب من طبقه تانيه، وبتدخل في مشاكل بسبب الفروقات الاجتماعيه.
الجمهور منتظر الحفل بفارغ الصبر، وماجده دايمًا بتثبت إنها واحده من رموز الغناء العربي.
