تعديل جديد بقانون حيازة الحيوانات الخطرة ٣ أنواع بس الممنوعة
مجلس الوزراء وافق بشكل رسمي على مشروع قرار من وزير الزراعة واستصلاح الأراضي، وده بخصوص تعديل الجداول اللي كانت مرفقه مع قانون تنظيم حيازة الحيوانات الخطرة اللي صدر سنة 2023 تحت رقم 29.
القرار الجديد جه بعد ما اتطلب من وزارة الزراعة، خلال اجتماع مجلس الوزراء يوم 23 أبريل 2025، إنها تراجع وتدقق في القوائم اللي بتحدد الحيوانات الخطرة، وخصوصاً الكلاب، بالتنسيق مع وزارة التنمية المحلية وجهات تانيه مختصه.
وبعد المراجعه، تم تقليص عدد أنواع الكلاب المصنفة كـ خطرة من 16 نوع لـ 3 أنواع بس، أما باقي الأنواع، فبقى عددهم 27 نوع من الكلاب اللي ممكن الناس ترخصها وتربيها، بس بشرط إنها تلتزم بالاشتراطات الفنية اللي وضعتها الهيئة العامة للخدمات البيطرية.
الخطوه دي بتعتبر مهمه عشان تنظم حيازة الحيوانات بشكل يحمي الناس، وفي نفس الوقت يسمح بتربية أنواع آمنه من الكلاب في البيوت، لكن طبعًا لازم بتراخيص وشروط.
القرار كمان بيحاول يقلل حوادث الهجوم أو الأذى اللي ممكن تسببها بعض الحيوانات وخصوصًا الكلاب الشرسة، ويحط نظام واضح للتربية والتسجيل.
