عفو جديد بمناسبة عيد الأضحى الإفراج عن محكومين بعقوبات
مجلس الوزراء وافق في اجتماعه الأخير على مشروع قرار رئيس الجمهورية اللي بيخص العفو عن باقي مدة العقوبه لبعض المحكوم عليهم، وده بمناسبة الاحتفال بعيد الأضحى المبارك اللي بيوافق العاشر من ذو الحجه سنة 1446 هجري.
القرار ده جاي ضمن التقاليد اللي بتتكرر في المناسبات الدينيه، واللي من خلالها الدولة بتحاول تدي فرصه جديده لناس اتحبسوا عشان أخطاء ارتكبوها وبيدخلوا ضمن شروط معينه بتحدد مين اللي يستحق العفو ومين لأ.
والعفو ده ما بيكونش شامل، لكن بيشمل اللي قضى جزء كبير من العقوبه، أو اللي سلوكه كان كويس جوه السجن، أو عنده ظروف إنسانية أو عائليه محتاج يخرج علشانها، وده طبعاً بعد مراجعات دقيقه من الجهات المختصه.
الناس اللي يشملهم العفو هيبدأوا في الخروج بعد تطبيق القرار الرسمي، وده بيخلّي عيدهم وعيد أهاليهم فرحة مضاعفه.
الحكومه أكدت إن العفو ده بيجي في إطار التخفيف عن السجون، وكمان تعزيز قيم التسامح وإعادة دمج الناس في المجتمع بعد قضاء جزء من عقوبتهم.
