مجلس الوزرا بيوافق على قرارات مهمه في اجتماع النهارده
في اجتماع النهارده برئاسة الدكتور مصطفى مدبولي، وافق مجلس الوزرا على حزمة قرارات كتير، منها تشغيل منظومة التأمين الصحي الشامل بأسوان بداية من يوليو 2025، على إن الخدمات غير الطارئة هتتوقف عن اللي مش مسددين الاشتراكات من يناير 2026، وده في إطار خطة الدولة لتطوير المنظومة الصحيه.
كمان المجلس وافق على مشروع قرار رئيس الجمهوريه بالعفو عن بعض المحكوم عليهم بمناسبة عيد الأضحى، ووافق كمان على مشروع وزارة الزراعه بخصوص تعديل جدول الحيوانات الخطرة، واللي تم فيه تقليل أنواع الكلاب الخطرة من 16 لـ 3 بس.
ومن ضمن القرارات، الموافقة على مساهمة مصر في التجديد التالت عشر لصندوق الإيفاد وكمان إعادة تخصيص أراضي في بلبيس بالشرقيه لمشروعات صناعيه وخدميه.
كمان اتوافق على تعديل نظام الجامعه المصريه اليابانيه علشان يضيفوا كليات جديده زي الصيدله والفنون والتصميم، ووافقوا على إطلاق اسم نبتا بلايا على شركة الفضاء المصريه الجديدة.
واتوافق كمان على اعتبار مشروع المخازن الطبيه القوميه من المشروعات القوميه، وتطبيق فايدة 20% بالتقسيط على فيلات R5 بالعاصمه الإداريه.
