مواعيد إمتحانات الترم التاني لطلاب القاهرة من ابتدائي لثانوي
اعتمد الدكتور إبراهيم صابر، محافظ القاهرة جداول إمتحانات الفصل الدراسي التاني للسنة الدراسية 2024 2025، واللي هتبدأ من يوم 21 مايو وتستمر لحد 4 يونيه، على حسب المرحلة الدراسية.
الصف الأول والتاني الثانوي امتحاناتهم هتكون من يوم الأربعاء 21 مايو لحد يوم الثلاثاء 27 مايو، أما تالتة ابتدائي فهيمتحنوا من الخميس 22 مايو لحد يوم الاتنين 26 مايو.
الطلاب في الصف الرابع والخامس والسادس ابتدائي، امتحاناتهم من الخميس 22 مايو لحد يوم الثلاثاء 27، وكمان مراحل النقل الإعدادي سواء عام أو مهني نفس التوقيت ده.
إعدادية عامة ورياضة وصم ومكفوفين هيمتحنوا من السبت 31 مايو لحد الأربعاء 4 يونيو.
بالنسبة للتعليم الفني، فهتبدأ امتحانات النقل يوم السبت 17 مايو لحد الثلاثاء 27 مايو، وكمان امتحان المستوى الرفيع لتالتة إعدادي هيكون يوم 20 و21 مايو.
أما المواد اللي مش بتضاف للمجموع لصفوف النقل، هتبدأ من السبت 17 مايو لحد الأربعاء 21 مايو، والمجالات العملية للإعدادية المهنية من 17 لحد 19 مايو.
كمان التقييم المبدئي للأول والتاني ابتدائي هيكون من 11 لـ15 مايو، والنهائي من 18 لـ22 مايو.
