الزمالك يفسخ عقد بيسيرو بعد التعادل والرمادي يقود الفريق لنهاية الموسم
أعلن نادي الزمالك، برئاسه حسين لبيب، النهارده الأربع، إنهم فسخوا التعاقد مع المدرب البرتغالي جوزيه بيسيرو، بعد تعادل الفريق مع البنك الأهلي ٢-٢ فـ الجوله الرابعه من مرحله التتويج فـ الدوري المصري الممتاز لموسم ٢٠٢٤-٢٠٢٥.
القرار جه بعد نتائج مش كويسه خالص خلت الإداره تقرر تسند المهمه لأيمن الرمادي، علشان يكمل باقي الموسم، سواء فـ الدوري أو كأس مصر.
ووضح إن الجهاز الفني الجديد فيه تغييرات، منها استمرار أيمن عبد العزيز كمدرب عام وأحمد سمير وحازم إمام كمساعدين، وعماد المندوه هيمسك تدريب الحراس.
كمان تم تعيين وائل القباني مدير للكره بدل عبد الواحد السيد، اللي استقال ومجلس الإداره وافق على رحيله
الزمالك دلوقتي بيجهز لماتش سيراميكا كليوباترا يوم الجمعه، وبعدها بيراميدز يوم ١٣ مايو، وبعد كده بتروجيت يوم ٢٤، وأخر مواجهه هتكون ضد فاركو.
الجدير بالذكر إن الزمالك هيلعب مع بيراميدز تاني فـ نهائي كاس مصر يوم ٥ يونيو الجاي على استاد القاهره وأيمن الرمادي كان درب أسوان وسيراميكا كليوباترا قبل كده.
