الزمالك يعلن التعاقد مع الرمادي مدرب جديد بعد رحيل بيسيرو
اعلن نادي الزمالك يوم الأربع تعيين أيمن الرمادي مدرب جديد للفريق الاول بدل من البرتغالي بيسيرو، بعد ما تم فسخ العقد معاه بسبب النتائج السلببه الاخيره وخصوصا بعد التعادل التاني على التوالي مع البنك الاهلي بنتيجه 2-2 فـ الجوله الرابعه من مرحله التتويج.
الفارس الابيض دلوقتي فـ المركز التالت بـ40 نقطه، وراه الأهلي اللي عنده 46، و بيراميدز اللي متصدر بـ47 نقطه الزمالك عنده 4 ماتشات باقيه مع سيراميكا وبيراميدز وبتروجيت وفاركو، بيحاول فيهم يجمع اكبر عدد من النقط علشان ينافس عاللقب أو يحجز مكان فـ افريقيا.
كمان الرمادي عنده مهمه تقيله فـ نهائي كاس مصر ضد بيراميدز يوم 5 يونيه اللي جاي، فـ ماتش كل جمهور الزمالك مستنيه علشان يرجع الفريق منصه التتويج.
الرمادي عنده خبره كويسه فـ الدوري، ودرب قبل كدا اسوان وسيراميكا، لكن سجله ضد بيراميدز مش احسن حاجه، فاز مره وخسر خمس برده مع فاركو عنده فوز وتعادل 3 وخساره وحده. دلوقتي عليه مسؤوليه كبيره يرجع الانتصارات ويثبت نفسه وسط الضغوط دي.
