الاتحاد قدام النصر ٣ نقاط مصيرية بس مش نهاية الحلم
الجوله الـ30 من دوري روشن قربت تولع، وعيون كل الجماهير راكزه على مواجهه من العيار الثقيل بين الاتحاد والنصر وماتش كلو حماس وترقّب، بس المثير بجد هو تعليق الإعلامي الرياضي فارس الفزي على اللقاء المنتظر.
فارس قالها بصراحه: “الاتحاد ضد النصر مجرد 3 نقاط في مشوار طويل لا الفوز يحسم، ولا الخسارة تنهي الحلم”.
يعني باختصار، الفوز في الماتش ده مهم، بس مش معناه إن الاتحاد لو كسب خلاص رفع الكأس ولسه الطريق قدام طويل.
كلامه فيه عقلانيه واضحه، وركز على إن الأهم من النتيجه هو عقلية الفريق والجمهور وقال: “الرغبه، الثقه، الجديه لا تفقد إيمانك مهما كانت الظروف”.
ودي جمله فعلًا تحطها قدامك وانت مشجع لأي فريق والبطولات ماتكسبش بس بالنقاط، بتكسب بالعقلية، بالروح، بالإصرار.
الاتحاد داخل اللقاء وعينو على الثلاث نقاط، والنصر مش جاي يتمشى، الاتنين عايزين يثبتو نفسهم، بس في النهايه اللي هيدخل الملعب برغبه حقيقيه وعقلية الفوز هو اللي هيكسب.
الفزي كان واقعي، وقال كلمه لازم كل الجماهير تحفظها: “البطولة تُكسب بالعقلية قبل النقاط” وده معناه إن مهما كانت الظروف حواليك، طول ما انت مؤمن بقدرتك، هتقدر تحقق الحلم.
فهل الاتحاد هيثبت عقلية البطل؟ ولا النصر هيقلب الطاوله؟ كله هيتحدد على أرض الملعب، بس أهم حاجه مانفقدش الإيمان.
