مدربه السابق: دوران نجم عالمي بس حالته النفسيه مأثره عليه
من بعد ما انضم جون دوران لنادي النصر في الميركاتو الشتوي اللي فات، الكل كان مستني يشوف منه شي كبير، خصوصًا وإنه مهاجم صغير بس واعد جدًا.
لكن الواضح إن الامور مش ماشية زي ما الجماهير كانت متوقعة، وده خلّى مدربه السابق ويلبرث بيريا يخرج عن صمته ويعلّق.
بيريا، اللي درب دوران تحت 17 سنة في نادي إنفيغادو الكولومبي، قالها بصراحه: “دوران واحد من أهم وأفضل المهاجمين في كولومبيا والعالم، والنصر جابه علشان إمكانياته الكبيره”.
بس برضو المدرب أشار لنقطه مهمه جدًا، قال إن اللاعب ممكن يكون بيمر بأزمه نفسيه أو عاطفيه مأثره على مستواه، وده خلى ثقته في نفسه تهتز وأضاف كمان إن كتير من اللاعيبه الكبار مرّوا بنفس الموقف، يعني اللي بيحصله مش غريب ولا جديد.
اللي يهم دلوقتي هو إن النصر يدّي اللاعب دعم نفسي ومعنوي، ويساعده يرجع لمستواه الحقيقي والجماهير كمان ليها دور، مش دايمًا الهجوم والتشكيك بيكون الحل، ساعات اللعيبه بتحتاج حضن معنوي مش نقد جارح.
جون دوران عنده كل حاجه تخليه يكون نجم عالمي، السرعه، القوه، الحس التهديفي، بس النفسية لو اتكسرت، كل ده بيتخبّى.
نأمل نشوفه راجع قريب وبقوه، لأن النصر يستاهل مهاجم يقاتل في كل كوره، ودوران يقدر يكون ده بس محتاج وقت وثقه.
