بعد ما إنتر ميلان حسم التأهل لنهائي دوري أبطال أوروبا على حساب برشلونة، المهاجم الفرنسي ماركوس تورام ماقدرش يمسك نفسه وقرر يطقطق شويه على لامين جمال.
اللي حصل إن لامين جمال كان ناشر بوست قبل الماتش وقال فيه إن المباراة دي “عمليه خاصه” ولازم يرجعو منها بتذكره النهائي.
بس بعد الخساره، تورام دخل على انستغرام ونزل صوره وكتب عليها: “في مهمه، ها ها”، كأنه بيرد على كلام لامين بطريقه ساخره.
الجماهير طبعًا خصوصًا مشجعي البارسا ماعجبهمش الكلام ده، وبدأو يردو عليه ويهاجموه في التعليقات، لحد ما تورام حس إن الموضوع كبر وشال البوست بسرعه.
اللي عمله تورام بيحصل كتير في الكوره، بس برضو في فرق بين المزاح والسخريه اللي ممكن تولّع الدنيا، خصوصًا لما يكون الخصم صغير في السن زي لامين جمال، اللي عنده 16 سنه بس وبيحاول يثبت نفسه في فريق كبير زي برشلونة.
بعض الناس شافو إن اللي عمله تورام تصرّف مش ناضج، والبعض التاني شافها مجرد دعابه بعد فوز مهم، بس في كل الاحوال السوشيال ميديا مابتسامحش، وأي كلمه بتتحاسب عليها فورًا.
الدرس هنا؟ خليك ريّح بالك بعد الفوز، واحتفل بعيد عن الشاشه لأن الكوره فيها يوم ليك ويوم عليك.
شارك المقال
أحدث الأخبار
أخبار ذات صلة
قرار مفاجئ من سلوت بعدم التحدث إلى وسائل الإعلام قبل مباراة ليفربول وكريستال بالاس
نابولي يُعلن إصابة دي بروين وغيابه لعدة أشهر
إصابة جديدة تقلق برشلونة بعد هزيمته في الكلاسيكو أمام ريال مدريد
منتخب مصر يرفض مواجهة كاب فيردي في البطولة الودية بالإمارات
الخطيب يكشف تفاصيل اختياره ياسين منصور نائبًا وتعيين سيد عبد الحفيظ بمجلس الأهلي
