الكلاسيكو دايمًا ليه طعم تاني، خصوصًا لما ييجي بعد خيبه أمل كبيره زي اللي حصلت لبرشلونه في دوري أبطال أوروبا.
النجم الفرنسي السابق تييري هنري، واللي لبس قميص برشلونه زمان، اتكلم عن المواجهه الجايه قدام ريال مدريد، وشاف إنها فرصه ذهبيه للفريق الكتالوني علشان يرد ويثبت إنه لسه موجود.
هنري قال كلمه في الصميم:
“المباراة اللي تدور عليها علشان تقلل وجع الهزيمه، هي لما تلعب ضد ريال مدريد تقدر تكسب اللقب، خصوصًا ضد غريمك الأبدي”.
يعني ببساطه، مافيش أحسن من الكلاسيكو علشان ترجع بيه ثقه الجمهور وتكحّل عينك بانتصار ينسّي الكل اللي حصل في أوروبا.
هنري مش بيتكلم من فراغ، ده راجل عاش الكلاسيكو ولعب فيه، وبيعرف كويس أوي إن الفوز على ريال مدريد مش بس 3 نقاط، دي حاجه ترفع المعنويات وتغير شكل الموسم كله.
برشلونه دلوقتي محتاج وقفه رجال، والجمهور عايز يشوف رد فعل حقيقي، خصوصًا بعد الخروج المُحبط من دوري الأبطال ولو فيه فرصه حقيقيه للتعويض، فهي في سانتياجو بيرنابيو، قدام الغريم التقليدي، في ماتش مافيهوش أعذار.
هل يقدر برشلونه يحوّل الألم لطاقة؟ ولا الريال هيواصل هيمنته؟
الإجابه هنعرفها في 90 دقيقه ناريه، وكلنا مستنيين نشوف مين هيضحك في الآخر.
شارك المقال
أحدث الأخبار
أخبار ذات صلة
قرار مفاجئ من سلوت بعدم التحدث إلى وسائل الإعلام قبل مباراة ليفربول وكريستال بالاس
نابولي يُعلن إصابة دي بروين وغيابه لعدة أشهر
إصابة جديدة تقلق برشلونة بعد هزيمته في الكلاسيكو أمام ريال مدريد
منتخب مصر يرفض مواجهة كاب فيردي في البطولة الودية بالإمارات
الخطيب يكشف تفاصيل اختياره ياسين منصور نائبًا وتعيين سيد عبد الحفيظ بمجلس الأهلي
