الزمالك يعين الرمادي مدرب للفريق بعد رحيل بيسيرو بشكل نهائي
اعلن نادي الزمالك بشكل رسمي تعيين الكابتن أيمن الرمادي مديرا فنيا للفريق الاول خلفا للبرتغالي جوزيه بيسيرو اللي تم توجيه الشكر ليه بعد فسخ التعاقد بالتراضي بين الطرفين يوم الاربع.
الرمادي هيبدأ مهامه الفنيه مع الفريق من النهارده، وهيكمل لحد نهاية الموسم بيرجع الرمادي للتدريب بعد فتره توقف قريبه من 3 شهور من آخر مره مسك فيها سيراميكا كليوباترا.
أيمن الرمادي لعب قبل كدا لفرق زي الفيوم ودمياط والمقاولون والقناه، واعتزل بدري بسبب إصابه رباط صليبي واتجه للتدريب من آخر التسعينات، وكان شغوف جدًا بالمجال ده.
مسيرته التدريبيه طويله، بدأها مع خورفكان فـ الإمارات، ودرب فرق كتير هناك زي عجمان، اتحاد كلباء، الشارقه وحتا، ومعاه كمان تجربه في عمان مع ظفار.
في مصر درب أسوان وبعدها مسك سيراميكا مرتين، والتانيه كانت الأنجح، لإنه كسب معاهم لقب كاس الرابطه فـ 2023، وده أول لقب ليه كمدير فني.
الرمادي معا رخصه تدريب UEFA Pro، وده بيخليه جاهز فنيًا، لكن التحدي الاكبر انه يثبت نفسه وسط ضغط جماهير الزمالك والمنافسه القويه.
