الزمالك ينهي مشوار بيسيرو بعد 3 شهور واتفاق مع الرمادي
أعلن نادي الزمالك ف بيان رسمي يوم الأربع عن فسخ التعاقد مع المدرب البرتغالي جوزيه بيسيرو بالتراضي بين الطرفين، بعد فتره قضاها المدرب مع الفريق بدأت من فبراير اللي فات.
وجاء القرار بعد سلسلة نتائج مش مقنعه لجمهور الزمالك وأبرزها التعادلين اللي حصلوا في آخر جولتين قدام المصري والبنك الأهلي، واللي ضيعوا من الفريق 4 نقط مهمين في مجموعة التتويج فـ الدوري.
وحسب ما أكده مصدر في الزمالك فإن المدرب المصري أيمن الرمادي هيمسك المسؤلية الفنيه وهيقود أول مران ليه مع الفريق مساء النهارده، بعد اتفاق رسمي حصل مع الإدارة لقيادة الفريق لحد نهاية الموسم.
بيسيرو أدار 16 ماتش مع الزمالك فـ 4 بطولات مختلفه الدوري، كاس مصر، كاس العاصمه، والكونفدرالية كسب فيهم 6 ماتشات، واتعادل في 8 وخسر مرتين وكمان اتحسب للزمالك فوز اعتباري على الأهلي 3-0 لما الأهلي انسحب من الماتش.
الإدارة دلوقتي بتحاول تلحق الموقف وتعيد الاتزان للفريق قبل المواعيد المهمه الجايه، خصوصًا نهائي الكاس ضد بيراميدز.
