تييري هنري: الكلاسيكو هو الفرصه الذهبيه لبرشلونه بعد صدمة أوروبا
النجم الفرنسي السابق تييري هنري شايف إن مواجهة ريال مدريد الجايه هي الفرصة المثالية لبرشلونة علشان يرجع تاني بعد خيبة الأمل الكبيره اللي حصلت بسبب الخروج من دوري أبطال أوروبا.
هنري قالها بصراحه: الكلاسيكو مش مجرد ماتش، دي معركه نفسيه وذهنيه بتقدر ترجع الفريق لأجواء التحدي والمنافسه الحقيقيه وأضاف كمان: “أكتر حاجه ممكن تساعد برشلونه دلوقتي هي إنهم يلعبوا قدام ريال مدريد والماتش ده لوحده كفيل يخرج اللعيبه من الحالة النفسيه السيئه اللي سببها الإقصاء الأوروبي”.
وأشار هنري إن أجواء مدينة مدريد والضغط الكبير في الليغا هيرجعوا برشلونه للواقع، وإن الفوز في الكلاسيكو مش بس 3 نقاط، ده كمان دفعة معنويه رهيبه ممكن تقلب شكل الموسم كله.
واختتم كلامه وأكد إن الماتش ده مصيري في سباق الدوري، لأن الفارق بس 4 نقاط، ولو برشلونه كسب الكلاسيكو، هيكون راجع بكل قوه للمنافسه على اللقب.
