الهلال يواجه الرائد بغياب كوليبالي واحتمال غيابه بسبب الطرد
اليوم المساء، الهلال بيلاقي الرائد في جوله 30 من دوري روشن، والمباراه راح تكون على ملعب مدينة الملك عبدالله ببريده، الساعه 7:15.
الهلال حالياً ترتيبه الثاني بـ62 نقطه، وراه الاتحاد اللي متصدر بـ68 نقطه، يعني الفارق 6 نقاط، والمباراه هذي مهمه للهلال عشان يضيق الفارق ويحافظ على حظوظه.
بس في مفاجأه كبيره ممكن تأثر، وهي غياب كوليبالي، مدافع الهلال السنغالي، بعد ما حصل على كرت احمر في بطوله النخبه الآسيويه ضد الاهلي.
إداره الهلال ارسلت خطاب رسمي للإتحاد السعودي تسأل فيه، هل الكرت الاحمر يشمل البطولات المحليه ولا بس الآسيويه؟ ولحد الحين ما جاهم رد رسمي، يعني مشاركته ضد الرائد مو أكيده.
كوليبالي انطرد بعد تدخله على أيبانز مدافع الاهلي، وكانت لقطه مثيره للجدل، والجمهور مستني يعرف هل بيشارك اليوم ولا لا.
المباراه راح تنقلها قنوات SSC، وكل العيون على الهلال يشوفون كيف راح يتعامل مع الموقف خصوصاً لو غاب كوليبالي.
