خوسيلو مصدوم من رد فعل لعيبة الريال بعد الخامسه عشر
خوسيلو كان واقف مش مصدق، الريال توّج بدوري الأبطال للمرة الـ15، واللعيبة حرفيًا احتفلو كأنهم كسبو ماتش ودي!
قالها بصراحة: “شوفو الأوغاد دول ما احتفلوش حتى!” وطبعًا هو كان بيقولها من باب المدح، مش الشتيمه يعني الراجل كان مبهور من برودهم مش زعلان منهم.
الناس بتصرف مليارات علشان بس توصل لنص النهائي، والريال؟ بياخدها كأنها شغل روتين وحاجة ما تدخلش العقل، بس بتحصل كل سنة.
اللي أغرب من كل ده، هو جمهور الريال وتخيل فريقك ياخد دوري الأبطال 6 مرات في آخر 10 سنين، ولسه كل موسم داخلين بنفس الشغف، نفس الهوس، نفس الجنون.
فيه حاجة مش طبيعية بتحصل في مدريد، كأن البطولة دي جزء من جيناتهم، كأنها اتزرعت في دمهم من زمان.
مفيش فريق في أوروبا عنده علاقة سحرية زي كده مع دوري الأبطال، ومفيش جمهور بيطلب المزيد بعد كل ده غير جمهور الريال.
الناس بتسأل: إزاي؟ ليه؟ إيه السر؟
بس الريال ما بيجاوبش، هو بيردّ بالألقاب وبس.
