جيرارد مارتن بيكسب الرهان ويبرق قدّام إنتر رغم خسارة برشلونة
تاريخ النشر:
منذ 1 يوم
رغم إن برشلونة خسر قدّام إنتر ميلان 4-3 في إياب نصف نهائي دوري الأبطال، بس في لاعب واحد خطف الأنظار كلها، والناس كلها اتكلمت عنه بعد الماتش جيرارد مارتن!
الظهير الشاب دخل الماتش وهو شايل هم الجبهة الشمال بعد غياب بالدي المصاب، بس الحقيقة إنه قدم أداء يُدرّس ويعني الواد ما خافش، وما اتأثرش بجو ملعب جوزيبي مياتزا ولا بجمهور الإنتر، بالعكس، لعب كأنه بيلعب نهائي كل أسبوع.
أرقامه في الـ120 دقيقة كانت خرافية:
- لعب 120 دقيقة كاملة
- عمل 2 أسيست
- 3 تمريرات مفتاحية
- 2 فرص كبيرة صنعهم
- 79٪ دقة تمرير
- 5 تشتيتات للكرة
- 3 تدخلات ناجحة
- 1 اعتراض
- 2 مراوغات ناجحة
- كسب كل المواجهات الهوائية (2 من 2)
- وعمل خطأين بس طول الماتش
الأرقام دي مش بس بتقول إنه لعب كويس، دي بتصرّخ وتقول: اللاعب ده جاهز، ومش جاي يتمشى في الملعب.
هانزي فليك عنده كنز جديد في الجبهة اليسرى، وجمهور برشلونة دلوقتي بقى مطمن أكتر، لأنه باين إن مستقبل المركز ده في أمان.
أحدث الأخبار
saudionportal.com
