طارق النوفل يفجرها سعود عبدالحميد قريب من الرجعة للدوري
فجر الناقد الرياضي طارق النوفل مفاجأه كبيره بخصوص مستقبل اللاعب سعود عبدالحميد، ظهير أيمن نادي روما الإيطالي، واللي انتقل له بعد ما أصر يطلع من الهلال الصيف اللي راح، عشان يعيش تجربه احترافيه ف أوروبا.
لكن الواضح إن الأمور ما مشت مثل ما كان يتمنى، لأن عبدالحميد للحين مو ماخذ فرصته مع الفريق الإيطالي، وكل مره نشوفه ع دكة البدلاء وما يشارك كثير، وهذا خلا الجماهير والإعلام يسألون: هل بيرجع للسعودية؟
النوفل كتب ع حسابه في منصة “إكس” إن سعود ممكن يرجع، لكن من بوابة ثانيه غير الهلال، وما ذكر النادي اللي ممكن يوقع معه، لكنه لمح إن الرجعه قريبه.
تقارير إعلاميه قالت إن النصر أو الاتحاد مهتمين فيه، لكن المفاجأه كانت بإن نادي نيوم الصاعد الجديد لدوري روشن، ناوي يدخل السوق بقوه ويجيب لاعبين كبار، وسعود ممكن يكون واحد منهم، خصوصاً إن النادي ناوي يسوي صفقات تلفت الانتباه.
يبقى السؤال: وين بنشوف عبدالحميد الموسم الجاي؟ الهلال؟ النصر؟ الاتحاد؟ أو مفاجأه اسمها نيوم؟ الأيام الجايه بتكشف كل شيء.
