مدبولي يوضح حقيقة البنزين المغشوش ويأكد التحقيق بشفافية كاملة
خلال المؤتمر الصحفي اللي اتعمل بعد اجتماع الحكومة الأسبوعي، طلع الدكتور مصطفى مدبولي، رئيس مجلس الوزراء، واتكلم عن شكاوي كتير إنتشرت الأيام اللي فاتت حوالين وجود بنزين مغشوش في الأسواق.
مدبولي قال بكل صراحه إنه سمع الكلام زي الناس، ومفيش تجاهل للموضوع خالص، وعشان كده هو تواصل بنفسه مع وزير البترول بشكل مباشر، وطلب منه يتحقق من الموضوع بالكامل، وكمان يراجع كل الشحنات البترولية اللي جاية من بره.
وأكد إن لو في أي خلل فعلاً هيتم الكشف عنه، وهيتم الإعلان عن نتيجة التحقيقات بكل شفافية للرأي العام، لأن الناس من حقها تعرف الحقيقة.
الناس بقت قلقانة فعلاً بسبب الكلام اللي بيتقال، خصوصًا إن العربيات بقت بتبطل فجأه، أو بيمشي يومين ويرجع يحصله مشاكل، وده خلّى الكل يشك في البنزين نفسه.
الحكومة دلوقتي بتحاول تتحرك بسرعة علشان تطمن الناس وتعرف الخلل جه منين، ولو في مسئول عن الغلط ده هيتحاسب.
