دومفريس: ما يهمنا مين نواجه في نهائي دوري الأبطال
بعد التأهل المجنون لنهائي دوري أبطال أوروبا، طلع الهولندي دينزل دومفريس نجم إنتر ميلان بتصريحات نارية، وتكلم عن خصمه المفضل في النهائي، اللي راح يكون إما باريس سان جيرمان أو أرسنال.
إنتر عبر لنهاية الحلم بعد ما فاز على برشلونة 4-3 في إياب نصف النهائي، وبعد ما كانت مباراة الذهاب في المونتجويك انتهت 3-3، صار المجموع 7-6، تأهل مستحق بجدارة.
دومفريس قال بعد المباراة: “اللي صار اليوم رجّع حب الناس لكرة القدم، كانت لحظة استثنائية بالنسبة لنا كلنا”.
وأضاف: “فخور بالتأهل، وفخور بماركوس اللي قاتل رغم إصابته، وسومر قدم مباراة خرافية”.
وبخصوص خصم النهائي، دومفريس جاوب بكل ثقة: “ما يهمنا مين نواجه، سواء باريس أو أرسنال، إحنا هدفنا نرفع الكأس”.
وختم كلامه قائلاً: “أنا تعبت بصراحة، راجع من إصابة طويلة، والمباراة كانت مجنونة، بس عطيت كل اللي عندي”.
نهائي دوري الأبطال هالسنة في ملعب أليانز أرينا بمدينة ميونخ، بتاريخ 31 مايو.. مين تتوقع يكون الخصم؟
