وزير البيئه يعلن الجاهزيه الكامله لخدمة الحجاج في موسم 1446هـ
في زيارة ميدانية للمشاعر المقدسة، أكد وزير البيئة والمياه والزراعة المهندس عبدالرحمن الفضلي إن كل قطاعات الوزارة جاهزه 100٪ لموسم حج 1446هـ، وكلها شغالة بتنسيق عالي علشان تضمن أفضل الخدمات لضيوف الرحمن، من ميّه وغذاء ونظافه وجودة هوا.
الوزير زار شركة المياه الوطنية، ورأس اجتماع مهم اتكلم فيه عن خطط تشغيلية قوية، تشمل الإمدادات المائية، سلامة الأكل، مراقبة جودة الهواء، والنفايات، وحتى مكافحة الآفات وقال إن كل دا جاي ضمن رؤية السعودية 2030 اللي حاطّة راحة الحجاج في الأولوية.
من ضمن الجولات، الوزير وقف على مشاريع المياه، من إنتاج ونقل وتخزين وتوزيع، واطمّن بنفسه على الشبكات ومحطات الضخ والمعالجه، وشاف كيف شركة المياه الوطنية خلصت 13 مشروع في وقت قياسي، قبل موسم الحج، ودا يدل على احترافيه وجديه كبيره.
الاجتماع كمان ناقش الخطة التشغيلية لمركز إدارة النفايات “موان”، واللي اكتملت 100٪، بخطط واضحه زي التوعيه، الامتثال، والحلول السريعة وتم كمان استعراض خطة المركز الوطني للأرصاد، اللي بتغطي كل شي عن الطقس في المشاعر المقدسه عشان الحجاج يكونوا عارفين كل جديد.
وما ننسى جهود شركة الخدمات الزراعية اللي بتغطي خمس منافذ محجرية رئيسيه، وتراقب المسالخ وتتأكد من تطبيق معايير الجودة، وكمان خطة مركز الرقابة على الالتزام البيئي واللي بتشمل جولات تفتيش وقياس جودة الهوا، وحتى قياس الضوضاء.
أما مركز وقاء، فجاهز بـ4 مسارات مهمه منها مكافحة الآفات ونقل الحيوانات والرقابه على الأمراض ونواقلها.
وفي نهاية جولته، شدد الوزير على ضرورة استمرار رفع الجاهزية وتسخير كل الإمكانيات لتنفيذ توجيهات القيادة الرشيدة، عشان نضمن موسم حج آمن وسلس وسهل لكل حجاج بيت الله الحرام.
