جماهير برشلونه تطالب ببيع أراوخو بعد فضيحة إنتر ميلان الأوروبيه
بعد ما خرج برشلونه من دوري أبطال أوروبا على يد إنتر ميلان، بنتيجه إجماليه 7-6، ثارت جماهير الكامب نو غضبًا كبير، وكل الغضب ده كان موجه ناحية المدافع الأوروجواياني رونالد أراوخو.
رغم إنه ما بدأش أساسي، لكن دخوله في الدقيقه 76 بدل إينيجو مارتينيز قلب الدنيا عليه.
الجماهير شايفه إن أراوخو كان السبب في هدفين لإنتر، خصوصًا لما ساب أتشيربي يجيب التعادل، وبعدها فشل في مراقبة تورام اللي صنع هدف الفوز لفراتيسي.
وده خلا جمهور برشلونه ينفجر حرفيًا على منصة “إكس”، والتعليقات كانت نار.
واحد كتب: “بيعوه بقولها من أول الموسم”، وواحد تاني قال: “دي لازم تكون آخر مباراة ليه معانا” فيه كمان اللي قال لازم يروح يوفنتوس في الصيف، وإنه هو وتير شتيجن مش كفايه يحملوا شارة القياده.
الانتقادات كانت قاسيه جدًا، ووصلت إن ناس قالت أداء أراوخو يخلّي الواحد يكره الكوره واضح إن صيف برشلونه هيكون مولّع، ولو استمر الغضب ده، أراوخو ممكن فعلاً يكون في طريقه للرحيل.
