إنزو ماريسكا، مدرب تشيلسي، طالع بيحذر لعيبته قبل ماتش يورغوردينس في إياب نص نهائي دوري المؤتمر الأوروبي، وبيقولهم بصراحة: “مافيش ماتش سهل في البطوله دي”، وده عشان يتجنبوا مفاجآت الفرق اللي على الورق أضعف منهم.
تشيلسي داخل البطوله وهو المرشح الأول لحصد اللقب، متفوق على فرق زي ريال بيتيس وفيورنتينا ويورغوردينس، بس ماريسكا مش عايز الغرور يدخل قلوب اللعيبه وفي المؤتمر الصحفي اللي اتكلم فيه عن الماتش، قال: “لازم ننجز المهمه، بس الأهم من ده كله، نقنع اللعيبة إن مافيش خصم سهل”.
المدرب الإيطالي كمان افتكر اللي حصل قدام ليغيا وارسو، وقال: “كسبنا الذهاب 3-0، لكن رجعنا خسرنا في الإياب! الأمور عمرها ما بتكون بسيطه”.
وبالنسبه لطموحاته، ماريسكا مابيخبيش إنه عايز الكأس، وقالها بصراحه: “هنحاول نكسب البطوله، الفوز بالبطولات شعور جميل، ولازم نشتغل عشان نوصل له”.
تشيلسي ماشي بخطى ثابته في البطوله، لكن كلام ماريسكا بيوضح قد إيه هو مركز وواخد الأمور بجدية، خصوصًا إن كل فريق بيبقى عنده الحلم يقلب الطاوله.
شارك المقال
أحدث الأخبار
أخبار ذات صلة
قرار مفاجئ من سلوت بعدم التحدث إلى وسائل الإعلام قبل مباراة ليفربول وكريستال بالاس
نابولي يُعلن إصابة دي بروين وغيابه لعدة أشهر
إصابة جديدة تقلق برشلونة بعد هزيمته في الكلاسيكو أمام ريال مدريد
منتخب مصر يرفض مواجهة كاب فيردي في البطولة الودية بالإمارات
الخطيب يكشف تفاصيل اختياره ياسين منصور نائبًا وتعيين سيد عبد الحفيظ بمجلس الأهلي
