آرسنال قرب يخلص أول صفقاته الصيفيه بضم زوبيميندي من سوسيداد
آرسنال بدأ يتحرك بقوه في الميركاتو الصيفي، وأول صفقه شكله هيخلصها قريب جدًا هي الإسباني مارتن زوبيميندي لاعب وسط وقايد ريال سوسيداد.
اللاعب عنده عقد مستمر لحد 2027، لكن فيه بند جزائي يقدر يخلّيه يمشي من غير ما النادي يعترض، وده اللي مخلي آرسنال واثق إنه هيخلص التعاقد.
زوبيميندي كان عليه اهتمام كبير من فرق تانيه، زي ريال مدريد اللي بيدور على تدعيم خط وسطه، لكن الصحف بتقول إن آرسنال هو الأقرب لضمه، خصوصًا إن العلاقة بين اللاعب والنادي اللندني كويسه جدًا، وفيه تواصل مباشر.
اللاعب ده كان مطلوب من ليفربول كمان في صيف 2023، بس ساعتها قرر يكمّل مع سوسيداد، لكن دلوقتي شكله غير رأيه بعد ما آرسنال دخل الصوره بقوه، وقدم عرض مغري.
أرتيتا عايز يدعّم تشكيلته قبل بداية الموسم الجاي، وصفقة زي دي هتكون مفيده جدًا خاصة في نص الملعب الجماهير مستنية الإعلان الرسمي، والموضوع كله شكله مسألة وقت.
