طلعت أسرة الفنان الراحل محمود عبد العزيز ببيان طويل، بتوضح فيه حقيقة السيدة اللي بتقول إنها كانت مراته لحد آخر لحظة في حياته.
البيان وضح إن الكلام ده كله “كذب وافتراء”، وإن الطلاق بينهم حصل بعد شهر ونص من الجواز بس.
وقالت الأسرة في البيان: “الفترة الأخيرة سمعنا تصريحات غلط كتير عن والدنا، وصلت لحد بلاغات جنائية ودعاوي، والسيدة دي بتقول مرة إن أبويا رجعها بعد الطلاق، ومرة تانية إن المأذون زور ورقة الطلاق”.
وأضافوا: “احنا سكتنا احترامًا للقانون، وفعلاً القضاء المصري قال كلمته ورفض كل الدعاوي وحفظ البلاغات، وأكد إن الطلاق حصل بعد شهر ونص بس من الجواز”.
البيان كمان وضّح إن العلاقة بعد الطلاق ما كانتش غير علاقة شغل، وإنها كانت منسقة أعمال بتنظم مواعيد المهرجانات والفعاليات، مش أكتر.
وأكدوا: “مش هنسمح بأي إساءة لاسم وتاريخ والدنا، ومش هندخل في خناقات سوشيال ميديا، ووكّلنا محامي ياخد الإجراءات القانونية”.
البيان كان حاسم وصريح، ورسالة إنهم مش ساكتين لأي حد يحاول يشوّه اسم محمود عبد العزيز.
شارك المقال
أحدث الأخبار
أخبار ذات صلة
جومانا مراد تخطف الأنظار بإطلالة راقية وتستعد لتصوير خلايا رمادية
كارلا شمعون تشارك في الدورة الأولى من مهرجان صدى الأهرامات
مونيكا بيلوتشي تكشف عن مشاركتها في فيلم Seven Dogs مع أحمد عز
منى زكي تتألق بإطلالة أنيقة في احتفالية Vogue World: Hollywood
محمد سلام يتألق في احتفالية وطن السلام ويثبت موهبته الكوميدية والدرامية
