غافي بعد خروج برشلونة من دوري الأبطال: حان وقت التحدي والمستقبل
بعد ما غادر برشلونة دوري الأبطال من دور نصف النهائي، خسروا أمام إنتر ميلان بنتيجة 7-6 بمجموع المباراتين، كان في شوية هدوء بس برضه مع خيبة أمل وكل العيون كانت على الكوليز، والجماهير كانت مستنية معجزة من الفريق، بس مع الأسف الحظ ما كانش في صفهم.
غافي، لاعب الفريق الشاب، خرج وقال كلام مؤثر عبر حسابه الرسمي على إنستغرام، وده بعد الخروج المؤلم وقال: “كان الامر صعب للغاية خاصة مع معرفة مدى قربنا من الوصول للنهائي ولم يكن يريدوننا أن نصل لأنهم كانوا خايفين من الموسم اللي بنمر بيه”.
كلامه كان فيه شوية ألم، بس برضه كان فيه إصرار على إنه يرفع المعنويات. هو متأكد إن برشلونة هيحققوا النجاح في المستقبل إذا استمروا مع بعض، زي ما هما دايمًا.
وأضاف غافي: “ما يهمش عدد السنين اللي مرّت من غير ما نفوز بدوري الأبطال، أنا عارف إن ده صعب جدًا، بس نفسي أحقق البطوله دي كل سنة” ودي كانت كلمات مؤثرة لأنه عارف إن برشلونة في مرحلة بناء، وكل موسم ممكن يكون بداية للإنجازات اللي جايه.
وتكلم غافي عن تفاؤله وقال: “أنا متأكد إننا هنفوز لو كنا مع بعض زي ما إحنا دايمًا، عارف إن ده هيحصل وكمان، بقدر ما إحنا دلوقتي في أعلى مستوى، نقدر ننهى الموسم ده بالفوز بـ 3 ألقاب”.
رغم الخروج من دوري الأبطال، غافي شايف إن الموسم لسه مش ضايع، وإن الفريق ممكن يحقق نجاحات تانية في باقي البطولات.
وفي النهاية، وجه رسالة قوية للجماهير: “موسم جيد جدا رغم الخروج ده دعونا نبذل كل جهدنا يوم الأحد في المونتجويك علشان نفوز” وهكذا كانت رسالة غافي، مليانة طموح وأمل في تحقيق بطولات تانية.
