أحلام تحير جمهورها عن The Voice وترد على شائعات الانفصال
الفنانه الإماراتيه أحلام خلت جمهورها في حيره بعد ما اتسألت عن رجوعها للجنة تحكيم برنامج The Voice اللي راجع بعد غياب ٥ سنين، وردت وقالت: “السؤال ده توجهوه لـMBC، أنا أفضل إن التصريح يطلع منهم مش مني”.
وبخصوص جديدها، صرّحت في لقاء مع ET بالعربي: “لسه مش دلوقتي هنزل جزء تاني من ألبومي (العناق الأخير)، دلوقتي بشتغل على ألبوم مصري، وألبوم مغربي، وألبوم إماراتي كامل من إنتاجي”.
البرنامج الشهير The Voice هيبدأ من جديد بنسختين، واحدة للكبار والتانية للأطفال The Voice Kids، وكانت أحلام شاركت قبل كده في موسمين، الرابع والخامس، مع نجوم زي حماقي وإليسا وعاصي الحلاني، وفي الموسم الخامس مع سميرة سعيد وراغب علامة.
أما عن شائعات انفصالها عن زوجها مبارك الهاجري، ردت أحلام وقالت: “بعيد عن إنه جوزي، هو صديقي، وإحنا علاقتنا مش محتاجه نبرهنها للناس، أنا وهو من ١٥ سنة بنتصور سوا، ووقت نزول ألبومي ساب شغله وقعد معايا، الحب بينا مش محتاج يتكتب ولا يتصور، وربنا يحفظ أولادنا فهد وفاطمه ولولو”.
