آرسنال الإنجليزي مش بس بيقدّم أداء هجومي ممتع في دوري أبطال أوروبا الموسم ده، لا، ده كمان عنده أرقام دفاعية تخليه من أقوى الفرق في البطولة كلها، وخصوصًا من الناحية التكتيكية والدفاعية.
بحسب موقع “WhoScored”، آرسنال هو الأفضل دفاعيًا بين كل الفرق اللي لعبت أكتر من 10 مباريات في دوري الأبطال. وده رقم مش سهل، خصوصًا في بطولة زي دي فيها فرق تقيلة على أعلى مستوى.
الإحصائيات بتقول إن متوسط الأهداف المتوقعة (xG) لكل تسديدة على مرمى آرسنال هو 0.09 بس! وده يعتبر رقم خرافي في عالم الكورة وكمان الفريق استقبل أقل معدل xG في المباراة الواحدة بـ0.96، يعني الفريق بيعرف إزاي يقفل المساحات ويمنع الخطورة من الأساس.
أما بقى عن عدد الأهداف اللي دخلت مرماهم، فهي 0.62 هدف في كل ماتش، ده غير إن الخصوم مش بيقدروا يسددوا على مرماهم غير 2.77 مرة في المباراة وده بيوضح قد إيه المنظومة الدفاعية اللي عاملها ميكيل أرتيتا شغالة بشكل عبقري.
الدفاع الصلب ده كان واحد من أهم الأسباب اللي خلت آرسنال يوصل لنصف نهائي دوري الأبطال، والنهاردة عندهم مواجهة نارية ضد باريس سان جيرمان في إياب دور نصف النهائي ومباراة هتكون قوية، والكل منتظر يشوف هل الدفاع الحديدي ده هيقدر يصمد قدام هجوم باريس المرعب ولا لأ.
شارك المقال
أحدث الأخبار
أخبار ذات صلة
قرار مفاجئ من سلوت بعدم التحدث إلى وسائل الإعلام قبل مباراة ليفربول وكريستال بالاس
نابولي يُعلن إصابة دي بروين وغيابه لعدة أشهر
إصابة جديدة تقلق برشلونة بعد هزيمته في الكلاسيكو أمام ريال مدريد
منتخب مصر يرفض مواجهة كاب فيردي في البطولة الودية بالإمارات
الخطيب يكشف تفاصيل اختياره ياسين منصور نائبًا وتعيين سيد عبد الحفيظ بمجلس الأهلي
