حكيم ينضم لروتانا رسميًا وبيوعد جمهوره بمفاجآت جديدة قريبا
النجم الشعبي حكيم مضى مؤخرًا عقد جديد مع شركة روتانا للموسيقى، وده كان بحضور الأستاذ سالم الهندي رئيس مجلس إدارة الشركة ومديرها التنفيذي بالقاهرة أسامة رشدي، وده يعتبر خطوة مهمه في مشواره الفني بعد سنين من النجاحات.
بعد ما خلصوا المفاوضات، حكيم حرص يوثق اللحظة دي بصور مع مسؤولي الشركة، وشاركهم الفرحة بتوقيع العقد اللي ممكن يفتحله أبواب جديدة وتعاونات مميزة.
شركة روتانا قالت في بيان رسمي إن التعاقد مع حكيم بييجي ضمن خطة استراتيجية لتقديم أعمال جديدة تليق باسمه الكبير وتاريخه الفني الطويل، وده في إطار حرصهم على ضم نجوم كبار ليهم بصمتهم في عالم الطرب الشعبي.
أما حكيم، فعبّر عن سعادته الكبيرة بالانضمام لعيلة روتانا، وقال إنه بيجهز لمجموعة أغاني جديدة هتكون مختلفة تمامًا عن اللي قدمه قبل كده، وواعد جمهوره بمفاجآت كتير هتسعدهم في الفتره الجايه،
وأضاف: “روتانا شركه كبيره وأنا متفائل بالتعاون ده، وإن شاء الله نعمل حاجات تعجب كل الناس في الوطن العربي”.
