صادق الصباح يعلن عن المداح ٦ بعنوان أسطورة النهايه رمضان ٢٠٢٦
أعلن المنتج صادق الصباح إنهم هيكملوا بمسلسل “المداح” جزء جديد في رمضان اللي جاي ٢٠٢٦ وهيكون الجزء السادس والأخير، واللي هيكون اسمه “أسطورة النهاية”.
الصباح قال في لقاء مع برنامج “تفاعلكم” إنهم كانوا ناويين يوقفوا بعد الجزء الخامس اللي خلص بـ١٥٠ حلقه، علشان كل فريق العمل ياخد فرصه يعمل حاجه جديده.
لكن اللي حصل إن أول ١٠ أيام من رمضان ٢٠٢٥ المسلسل كسر الدنيا واتطلب منهم يعملوا موسم كمان، وعلشان كده قرروا يعملوا جزء سادس وأخيرا ينهوا القصه.
وأكد كمان إن في رمضان ٢٠٢٧ هيكون في تعاون جديد مع النجم حماده هلال في مسلسل مختلف كليا، وهم شغالين على فكرته من دلوقتي.
مسلسل “المداح ٥” اللي اتعرض في رمضان ٢٠٢٥ شارك فيه نجوم كتير زي حماده هلال، هبه مجدي، خالد سرحان، غاده عادل، يسرا اللوزي، خالد الصاوي، ومحمد علي رزق، وكان من تأليف أمين جمال ووليد أبو المجد، وإخراج أحمد سمير فرج.
الناس مستنيه الجزء الجديد بفارغ الصبر خصوصا بعد ما الأحداث في الجزء الخامس كانت مشوقه جدا.
