إصابة ياسر الشهراني تربك حسابات الهلال قبل نهاية الدوري
الهلال اتلقى صدمه كبيره في ماتشه قدّام الرائد ضمن منافسات الجولة 30 من دوري روشن، بعد ما اتعرض مدافعه ياسر الشهراني لإصابة عضليه قويه.
الإصابه حصلت في الدقيقة 23، لما اشتكى الشهراني من ألم في العضله الضامه، واتبدل على طول ونزل مكانه حمد اليامي في مركز الظهير الأيمن.
الإصابه دي جت في توقيت صعب، خصوصًا إن الفريق أصلاً بيلعب من غير جواو كانسيلو، اللي بيغيب هو كمان بسبب إصابه في العضله الخلفيه، وده بيحط المدرب محمد الشلهوب في موقف لا يُحسد عليه.
الهلال كان متفوق وقتها بخمس أهداف مقابل هدفين على الرائد، ولسه فاضل 3 دقايق على نهاية الوقت الأصلي، والنتيجه دي رفعت رصيد الزعيم لـ64 نقطه، ف المركز التاني ورا الاتحاد اللي عنده 68 نقطه، ومستني يواجه النصر بعد شويه في نفس الجوله.
الغيابات في الدفاع بقت تؤرق الجهاز الفني، وخصوصًا مع قرب نهاية الدوري والكل بيقاتل على كل نقطه.
الهلال هيحتاج يعيد ترتيب أوراقه بسرعه، ويشوف حل لمشكلة الأطراف الدفاعية.
