الاتحاد ملك الدقايق الأخيرة 12 هدف بعد الدقيقة 90 يثبتوا كده
نادي الاتحاد السعودي بيقدم موسم مجنون في دوري روشن، بس مش أي موسم، ده موسم “الدقايق القاتلة”! الفريق سجل 12 هدف بعد الدقيقة 90، وده رقم يخلّيه عن جدارة “ملك الدقايق 90+”.
الجمهور بقى متعود خلاص، لو المباراة وصلت للدقيقة 90 ولسه الاتحاد ما سجلش، الكل يقول “استنوا لسه الوقت بدل الضايع”، وساعتها بيبدأ الشغل الحقيقي! 😅
الأهداف جات في توقيتات صعبة، ولعيبة زي عوار، بنزيما، كانتي، وغيرهم، بقوا متخصصين في قلب الطاولة على الخصم ومن مباراة الأخدود لحد كلاسيكو النصر، الفريق أثبت إن عنده روح ما تستسلمش، وإنه ما يعرفش اليأس.
اللي حصل ضد النصر مثلًا؟ عوار في الدقيقة 94 سجل هدف قاتل خلى الجمهور يطير من الفرحة، وقبلها قدام التعاون بنزيما خلصها في الدقيقة 95، ولسه اللسته طويلة!
الاتحاد مش بس بيلعب كورة، ده بيحارب لحد آخر ثانية، وده اللي بيخلي جماهيره تحبه أكتر كل يوم.
