عماد النحاس بيرجع هجوم الأهلي من تاني ويكشف سر الأداء القوي
من يوم ما استلم عماد النحاس تدريب الأهلي بشكل مؤقت بعد رحيل كولر، والفريق شكله اختلف تمامًا وبدأ يرجع تاني للهجوم اللي كان غايب بقاله كتير الأهلي لعب ماتشين بس تحت قيادة النحاس قدام بتروجيت وحرس الحدود، وسجل فيهم ٨ أهداف، وده رقم كبير مقارنة بالفترة الأخيرة.
النحاس عرف يوظف اللعيبه صح، وخلّى كل واحد في مكانه الطبيعي، من غير تعقيد ولا فلسفة الفريق بقى يوصل للمرمى كتير، ٤٣ تسديدة في ماتشين، منهم ٢٢ تسديدة قدام الحرس بس، ودخل منهم ٥ أهداف والماتش الأول قدام بتروجيت، الأهلي سدد ٢١ مرة وسجل ٣ أهداف.
الميزة إن النحاس لعب بديفندر واحد في نص الملعب، وده خلى الفريق يتحرك بحرية أكتر هجوميًا، وكمان التغييرات كانت دايمًا لصالح الهجوم، زي دخول أفشة وعلي معلول والشحات اللي سجل وكان ليه دور كبير.
طريقة لعب الأهلي بقت فيها ضغط من الأجنحة والأظهره والوسط، وده خلى الفريق أخطر عماد النحاس بيأكد إن الأهلي ما ينفعش يلعب إلا بكورة هجومية، وده اللي بيحب يشوفه الجمهور، وخلّى الفريق يظهر بشخصيته المعروفة.
