نابولي عايز يخطف دي بروين ف صفقة مجنونه الصيف الجاي
بدأ نادي نابولي الإيطالي فعلاً محاولات التعاقد مع النجم البلجيكي كيفين دي بروين، لاعب مانشستر سيتي، واللي قرب يخلص عقده مع النادي الإنجليزي بنهاية الموسم، حسب ما قالت شبكة سكاي الإيطالية.
رغم إن الصفقه شكلها معقده جدًا، خصوصًا إن في أندية كتير بتجري ورا اللاعب، لكن نابولي فتح خط تواصل مباشر معاه وبيحاول يستغل كذا نقطه لصالحه أهمهم صداقته القويه مع لوكاكو اللي ممكن تكون ورقة ضغط تساعد في إقناعه بالقدوم لإيطاليا، وكمان رغبة دي بروين إنه يفضل في أوروبا وميمشيش دوريات أقل تنافسيه.
المدرب أنطونيو كونتي بيجهز فريق قوي للموسم الجاي، ونابولي كمان بيصارع على لقب الدوري، فده ممكن يخلي العرض مغري أكتر للنجم البلجيكي.
وفي نفس الوقت، ليفربول دخل هو كمان السباق على دي بروين، وعايز يضمه ف الصيف الجاي، وده بيخلي المنافسه نار بين الأندية.
دي بروين كان انضم للسيتي سنة 2015 من فولفسبورج، وسعره وقتها كان حوالي 54 5 مليون إسترليني وحقق معاهم كل البطولات الممكنة خلال 10 سنين لعبهم مع الفريق.
