الأهلي ف مواجهه ناريه قدام المصري الليله في برج العرب
بيلعب النادي الأهلي النهارده الخميس، ماتش مهم قدام المصري البورسعيدي، ضمن منافسات الدوري الممتاز للموسم الحالي 2024-2025، الماتش هيتلعب الساعة 8 بالليل على ملعب برج العرب ف الإسكندريه، ضمن الجولة الخامسه من المرحلة النهائيه للدوري.
لو رجعنا لأخر 10 مواسم من 2014-2015، هنلاقي إن الأهلي والمصري اتقابلوا 21 مره ف الدوري، الأهلي كسب في 14 ماتش منهم، والمصري فاز بس مرتين، و5 ماتشات خلصوا بالتعادل.
أكتر فتره الأهلي كسب فيها المصري على التوالي كانت من موسم 2017-18 لحد 2020-21، كسب 8 ماتشات ورا بعض أما آخر مره المصري فاز على الأهلي ف الدوري كانت في سبتمبر 2022، ف الدور الأول لموسم 22-23.
آخر 6 ماتشات بينهم، الأهلي فاز في 4، واتنين خلصوا تعادل سلبي، من غير أهداف الماتش ده مهم بالنسبه للفريقين، خصوصًا إن الأهلي في المركز التاني بـ46 نقطه، والمصري في المركز الرابع بـ35 نقطه، يعني الماتش ممكن يأثر ف ترتيب مرحلة التتويج بشكل كبير.
