متعب الهزاع يكشف توتر علاقة بيولي مع لابورت واقتراب رحيله
الإعلامي الرياضي متعب الهزاع فاجئ جماهير النصر بتصريحات مثيرة عن مستقبل المدافع الإسباني إيمريك لابورت، وأكد إن العلاقة بينه وبين المدرب الإيطالي ستيفانو بيولي وصلت لطريق مسدود، وده هيأثر بشكل مباشر على بقاء اللاعب مع الفريق.
الهزاع قال في تصريحاته: “حسب معلوماتي، لابورت خلاص موسمه انتهى مع النصر والنادي عنده مشاكل كتيرة جدًا، سواء من الناحية الإدارية أو الفنية، والموقف ده بيعكس حالة عدم الاستقرار داخل الفريق”.
وأضاف: “لابورت لاعب كبير ومكسب كبير للدوري السعودي، لكن ماينفعش أي لاعب يحس إنه أكبر من الدوري اللي بيلعب فيه وفي النهاية، الالتزام واحترام الكيان أهم من أي اسم”.
وأشار كمان إلى إن المشكلة بين لابورت وبيولي مش فنية بس، لكن فيها جانب شخصي، وأسلوب تفكير المدرب الإيطالي اتغير ناحية لابورت بشكل واضح.
الجدير بالذكر إن لابورت انضم للنصر في صيف 2023، جاي من مانشستر سيتي الإنجليزي، بصفقة قُدرت بحوالي 24 مليون جنيه إسترليني، وكان من الصفقات اللي رفعت سقف الطموحات لجماهير العالمي.
دلوقتي، كل الأنظار موجهة لإدارة النصر علشان توضح الموقف رسميًا، وهل فعلاً لابورت هيمشي؟ ولا في محاولات أخيرة لحل الأزمة؟
