الأهلي بيصطدم مع الاتحاد السكندري في نهائي كاس مصر للسله
ماتش نار مستني جماهير كره السله النهارده، لما يواجه الاهلي نظيره الاتحاد السكندري في نهائي كاس مصر الساعه 9 ونص مساء على صاله الشباب والرياضه في مدينه 6 أكتوبر، وسط ترقب كبير من جمهور الفريقين.
الاهلي وصل للنهائي بعد ما قدم عرض قوي قدام سبورتنج، وكسب بنتيجه كبيره 92-54، وبيأكد انه رايح للقب بكل قوه علي الجانب التاني، الاتحاد السكندري صعد للنهائي بعد ماتش مثير قدام الزمالك، كسب فيه بنتيجه 97-88 بعد ندية كبيره لحد آخر ثانيه.
قنوات أون سبورت هتنقل الماتش، لإنها صاحبه الحقوق الحصريه للبطوله السنه دي، واللي بيشارك فيها أقوي فرق كره السله المصريه.
كمان، هيكون فيه ماتش تحديد المركز التالت بين الزمالك وسبورتنج، وده كمان على نفس الصاله، حسب ما أعلنت لجنه المسابقات باتحاد السله.
النهائي ده بيعتبر كلاسيكو كره السله المصريه، بين الاهلي اللي بيبحث عن التتويج، والاتحاد اللي دايمًا خصم تقيل ومش سهل الجماهير مستنيه فرجه قويه، والمنافسه هتكون على صفيح سخن.
