الخميس مولع كوره وسله ماتشات كتير جماهير مستنياها النهارده
النهارده الخميس بيشهد يوم كروي وسلاوي ناري، في عدد كبير من المواجهات المهمه سواء في الدوري المصري أو البطولات الأوروبيه وأبرزهم ماتش الأهلي قدام المصري البورسعيدي في الدوري الممتاز.
الاهلي هيلاعب المصري الساعه 8 مساءً على استاد برج العرب، والماتش هيتذاع على قناة أون سبورت 1، وده ضمن الجوله الخامسه من مرحلة التتويج.
وفي أوروبا، في مواجهات قويه برضه الساعة 10، أهمها
جليمت ضد توتنهام على قناة بي إن سبورت 2.
مانشستر يونايتد قدام أتلتيك بلباو على بي إن سبورت 1.
تشيلسي هيلعب يورجوردينس على بي إن سبورت 4.
فيورنتينا ضد ريال بيتيس على بي إن سبورت 3.
ومن ناحية تانيه، جمهور كره السله كمان على موعد مع قمة قويه جدًا، لما يواجه الاتحاد السكندري النادي الأهلي في نهائي كاس مصر لكرة السله، الساعه 9 30 مساءً، والماتش هيتذاع على قناة أون سبورت 2.
الخميس ده مش عادي كل عشاق الكوره والسله مستنين المتعه والمنافسه من أول النهار لحد آخر الليل.
